رد الإعلامي المصري المقيم في الخارج باسم يوسف، على الإعلامي السعودي وليد الفراج، بعد تقلل الفراج من شان الدوري المصري لحساب الدوري السعودي، حيث وصف الدوري المصري بالمحلي، أمام الدوري السعودي الذي اعتبره عالمي، خاصة بعد انتقال عدد من المحترفين العالميين له، في الميركاتو الصيفي، ونقل مباراياته على أكثر من 40 قناة بحد قوله.
وقال باسم يوسف على صفحته الشخصية بموقع “فيس بوك” اليوم السبت: “ممكن كالعادة نزعل و نتقمص و نشتم و نقول ازاي و ما يصحش و احنا مصر و احنا ام الدنيا و الدوري بتاعنا و لا البريميير ليج و انت ايش فاهمك الخ الخ . لكن تعالوا بهدوء كده .
وأضاف باسم يوسف: “اي ديربي هو انعكاس للدوري بتاعه . الدوري بتاعنا في مصر اخباره ايه ؟ سيبكم من الكارثة اللي حصلت في اخر كام سنة من منع الجماهير و التضييق عليهم و بيوت الاشباح اللي اسمها استادات و ازاي الاندية بتستجدي حضور كام الف مشجع . لا من قبل كده . دوري نصه شركات قطاع عام و جيش و شرطة . ليه الجيش او حرس الحدود او اتحاد الشرطة او شركة بترول يكون ليهم فرق في الدوري ؟ ايه الهدف ؟ ليه اندية جماهيرية زي الاتحاد او الاسماعيلي ما يكونش ليهم حضور قوي في الدوري” .
وتساءل : “يعني ايه فرقة زي الاسماعيلي تكون بتصارع على الهبوط ؟ انا من المحلة و فاكر ازاي محافظة الغربية كانت ليها تلات فرق في الدوري : غزل المحلة ، بلدية المحلة و طنطا . الدوري المصري وحش و مستواه وحش و نص الفرق اللي مفروضة عليه من الدولة المفروض تسيب لاعيبتها للمحافظات و الفرق الجماهيرية و يادوبك تبقى راعية ليها” .
واختتم باسم يوسف قوله مستدركا: “لكن مش حيحصل . لان ده مش وليد الصدفة ، لا ده جزء من اللي حصل في الكام سنة اللي فاتت من احتكار كل شئ : الفن ، البيزنس ، العقارات ، الانشاءات ، القرارات ، الكباري و كمان مرة كباري . . فاللي بيحصل ده اقل واجب . و اللي مكتوب في الخبر ده لو مش حقيقي النهاردة حيكون حقيقي بكرة . انا عارف ان الحاجات دي بتكون حساسة و خصوصا لمًا بتكون جاية من جوة العالم العربي و ان اول رد فعلنا هو الغضب و الاستياء . لكن للاسف هو ده الحقيقة”.
